Klopjag het ontstaan uit die samesmelting van twee groepe. John-Henry en Marie-Louise het mekaar ontmoet tydens 'n Tuks JOOL en het begin musiek maak onder die naam Klopdisselboom nadat John-Henry en later ook Marie-Louise, eers deel was van 'n groep genaamd Lady Selbourne...
Sallas en Dawie is broers en het musiek gemaak onder die naam Die Makoujagters. Sallas en John-Henry was saam in Olienhout manskoshuis en die twee groepe het 'n paar konserte gehou by teaterrestaurante in Pretoria. Hulle het op toer gegaan en kort daarna hul eerste gesamentlike optrede gedoen as KLOPJAG op 13 Februarie 2002.

Werner, 'n skoolvriend van Dawie en Morné spot dikwels dat hulle groep: Die Gawe Kêrels die derde duo was wat uiteindelik Klopjag geword het.

Klopjag bestaan uit:

John-Henry Opperman	Marie-Louise Pretorius	Sallas de Jager	Dawie De Jager	Werner Griesel	Morné Bam
Het groot geword in Parys, Vrystaat. (Go Cheetahs!!!) Hy is 'n onder-gemiddelde golfer... Weg vanaf musiek hou hy hom besig met webontwerp en visuele kommunikasie-middele	Is 'n Pretorianer deur en deur. Sy is mal oor Imogen Heap en sy is ook  'n chiropraktisyn met 'n florerende praktyk in Brooklyn, Pretoria.	Het groot geword in Bronkhorstspruit net buite Pta. Sportliefhebber en pa van twee pragtige prinsessies. Sallas is ook 'n filmvervaardiger en skrywer/redigeerder van draaiboeke.	Sal met graagte 'n Arabier-sprong doen as jy dalk sou noem dat hy dit NIE kan doen nie. Hy is Sallas se jonger broer  en speel ook baskitaar vir die tuindwergies saam met hulle jongste broer, Pieter.	Die top-uitvoerproduk van die Betty Weyers Dansskool in Rayton, SA. Hy is 'n grafiese ontwerps-guru en ontwikkel programmatuur vir web en selfone (Apps man?!!)	Sy tuisdorp is Kempton Park en hy is die gesofistikeerde een. Bam bestuur 'n boekwinkel in pretoria wanner hy nie baskitaar speel vir 'n hele rits groepe/mense nie...